У гэтую суботу надвор’е радавала. На двары не па-асенняму было цёпла і сонечна. Таму не было ніякіх перашкод для вялікага пахода выхаднога дня. Навучэнцы гуртка “Веласіпедны турызм” адправіліся па маршруту: Любань –Перунова –Барсукова –Красная Воля –Азярніца –Любачын –Лахва –Любань. Усяго атрымалася 57,5 кіламетраў.  Маршрут быў не просты, але ж парадаваў нас. Асенні лес –гэта казка! А масток праз Выдранку дабавіў адрэналіну юным веласіпедыстам. Асабліва хлопцам спадабаўся самалет ў Краснай Волі. Усе вярнуліся дахаты  шчаслівыя, з вялікай колькасцю прыемных эмоцый.