На Беларусі на масленіцу каталі ўвесь тыдзень, пачынаючы з чацвярга, у апошні дзень, у чысты панядзелак, у першы тыдзень паста. Каталіся з гор на санках, лядзянках, на конях па вёсцы, у полі, на возеры. Жанчыны каталі дзяцей, “каб лён доўгі і добры вырас”. Каталіся “навыперадкі”.

    Любімая зімовая забава – катанне з горкі. Можаце ўявіць – на двары невялічкі марозік, прыгажуня горка і мы. Спачатку людзей было не вельмі багата, але падвечар сабралася шмат. З радаснымі крыкамі з’язджалі, несліся, весяліліся людзі – ­і стары і малы. Смажанае на вогнішчы сала, прыгатаваная гарбата…смаката!